Чăваш чĕлхи эрнинче 4-мĕш класра вӗренекесем И. Я. Яковлевӑн «Уҫӑлма тухнӑ шӑши ҫури» кӗнекипе паллашрӗҫ. Кӗнекене кӗске калавсемпе  пӗчӗк юмахсем кӗнӗ. Ăна икӗ чӗлхепе – чӑвашла тата акӑлчанла та вулама пулать. Хайлавсем кӗске пулин те кашнинче тарӑн шухӑш пытаннӑ. Кӗнекери юмахсене  вуланӑ май ачасем ырӑ сӑмахсене тата та ытларах ӑша хыврӗҫ. Хайлавсем ачасен кăмăл-туйăмне, илемлĕхне, пуплеве аталантарма пулăшаççĕ.